महापालिकेच्या कार्यकारी अभियंता पाणीपुरवठा विभाग यांच्या दालनात राडा ! अभी के अभी मेरा काम कर नहीं तो.. असे कर्मचाऱ्यास धमकावून लोटालाट करून मारहाण !!
गणपती विसर्जन विहीरीतील गाळ काढणे कामाची संचिका फाईलीवरून वादाची ठिणगी
छत्रपती संभाजीनगर, दि. १६- गणपती विसर्जन विहीरीतील गाळ काढणे कामाची संचिका फाईल कोठे आहे असे म्हणून मेरा काम क्यु नही करता अभी के अभी मेरा काम कर नहीं तो खडे खडे तेरी … मार दूँगा ” अशी शिवीगाळ केली. आरडा ओरड करून लाथाबुक्क्यांनी मारहाण केल्याची तक्रार पोलिसांत दाखल झाली आहे.
हा प्रकर दि. १५ मे रोजी दुपारी ४.३० वाजेच्या सुमारास कार्यकारी अभियंता पाणीपुरवठा विभाग यांच्या दालनात टप्पा नं. ३ टाऊन हॉल, महानगरपालिका, छत्रपती संभाजीनगर येथे घडला. कलीम पटेल, समीर खान अशी आरोपींची नावे आहेत.
सुदर्शन यशवंत इंगळे (वय २८, रा. शिवाजीनगर, रेणुकानगर, पोलिस कॉलनी, छत्रपती संभाजीनगर) यांनी दिलेल्या फिर्यादीनुसार, यातील फिर्यादी हे त्यांचे शासकीय काम करत असताना यातील आरोपीतांनी तेथे येवून फिर्यादीस म्हणाले की, गणपती विसर्जन विहीरीतील गाळ काढणे कामाची संचिका फाईल कोठे आहे. यावर फिर्यादी त्यांना म्हणाले की मला याबाबत माहिती नाही आता आमचे वरिष्ठ अधिकारी येतील तेव्हा तुम्ही त्यांना फाईल बाबत विचारणा करा.
- गुगल ॲप
https://bit.ly/3RaPEOb - व्हॉट्सॲप ग्रुप
https://bit.ly/4dUMnMR - व्हॉट्सॲप चॅनेल
https://bit.ly/3V1gLwq - फेसबुक पेज
https://bit.ly/451xGU8 - टेलिग्राम
https://bit.ly/3wVCVbe
त्यावर आरोपी कलीम पटेल हा म्हणाला की, “मेरा काम क्यु नही करता अभि के अभि मेरा काम कर नहीं तो खडे खडे तेरी … मार दूँगा ” असे म्हणून अश्लिल शिवीगाळ करु लागला. त्यावर फिर्यादी दोन्ही आरोपीतांना म्हणाले की, तुम्ही माझ्या वरिष्ठांशी बोलून घ्या मला फाईल बद्दल माहीती नाही मला शिव्या देवून तुमचा काही एक फायदा होणार नाही. फिर्यादीच्या या बोलवण्याचा राग येवून आरोपीतांनी फिर्यादीस शिवीगाळ करत लोटालाट केली. आरडा ओरड करून लाथाबुक्क्यांनी मारहाण केली. या मारहाणीत सुदर्शन यशवंत इंगळे यांच्या पाठीला हातापायाला मुका मार लागला असल्याचे फिर्यादीत नमूद करण्यात आले आहे.
याप्रकरणी सुदर्शन यशवंत इंगळे यांनी दिलेल्या फिर्यादीवरून सिटी चौक पोलिस स्टेशनमध्ये गु.र.नं. 168/2024 कलम 353, 332, 294, 504, 506, 34 नुसार गुन्हा दाखल करण्यात आला असून पुढील तपास पोउपनि शाकीर शेख करत आहे.
