वैजापूर तालुक्यातील गाढेपिंपळगांव शिवारात शेतकऱ्यावर कुऱ्हाड, कोयत्याचे सपासप वार ! ट्रॅक्टर अंगावर घालून खून !!
छत्रपती संभाजीनगर, दि. ६ : शेतीच्या वादातून गाढेपिंपळगांव शिवारात शेतकऱ्यावर कुऱ्हाड, कोयत्याने सपासप वार करून ट्रॅक्टर अंगावर घालून खून केल्याने वैजापूर तालुका हादरला आहे. याप्रकरणी पोलिसांनी तातडीने घटनास्थळास भेट देवून चार आरोपींना अटक केली आहे.
ही घटना 05/06/2024 रोजी 14.00 वाजेच्या सुमारास गाढेपिंपळगांव शिवारात शेत गट नं 119 मध्ये ही खळबळजनक घटना घडली. पेत्रस हरकु सोनवणे (वय ६५, रा. बरड वस्ती गाढेपिंपळगांव ता वैजापूर) असे मृताचे नाव आहे.
1) अरुण आंतावण सोनवणे 2) आनंद आंतावण सोनवणे 3) सुशील आनंद सोनवणे 4) बाळु दगडु सोनवणे 5) साहेबराव दगडु सोनवणे (6) अनिल दगडू सोनवणे 7) शांतावण दगडु सोनवणे 8) प्रविण बाळु सोनवणे 9) विलास बालु सोनवणे 10) गौरव अजित सोनवणे 11) राजेश अनिल सोनवणे (सर्व रा. गाढेपिंपळगांव ता वैजापूर जि. छत्रपती संभाजीनगर) अशी आरोपींची नावे आहेत.
- गुगल ॲप
https://bit.ly/3RaPEOb - व्हॉट्सॲप ग्रुप
https://bit.ly/4dUMnMR - व्हॉट्सॲप चॅनेल
https://bit.ly/3V1gLwq - फेसबुक पेज
https://bit.ly/451xGU8 - टेलिग्राम
https://bit.ly/3wVCVbe
बाबु हरकु सोनवणे (वय 42 वर्षे व्यवसाय शेती रा. बरड वस्ती गाढेपिंपळगांव ता वैजापूर) यांनी पोलिसांत फिर्यद दिली असून त्यात नमूद केले आहे की, यातील आरोपीतांनी संगणमत करून तसेच गैरकायद्याची मंडळी जमवून फिर्यादी व फिर्यादीचा भाऊ, पुतण्या व चुलत भाऊ, चुलत पुतण्या या सर्वांना जीवे ठार मारण्याच्या उद्देशाने त्यांच्या अंगावर ट्रॅक्टर घालून त्यांना कु-हाडीने कोयत्याने लोखंडी रॉडने तसेच काठ्यांनी मारहाण केली.
या मारहाणीमध्ये फिर्यादीचा भाऊ पेत्रस हरकु सोनवणे याच्या डोक्यात कु-हाडीने व लाठ्या काठ्याने मारहाण करुन त्याला गंभीर जखमी करून ठार मारले. अन्य गंभीर जखमी झाले आहे. याप्रकरणी विरगाव पोलिस स्टेशनमध्ये गुरन. 187/24 क 302,307,143,147,148,149 504 नुसार गुन्हा दाखल झाला आहे.
याप्रकरणी पोलिसांनी अरुण आंतावण सोनवणे, बाळु दगडु सोनवणे, विलास बालु सोनवणे, गौरव अजित सोनवणे या चार आरोपींना पोलिसांनी अटक केली असून उर्वरित आरोपींचा शोध सुरु आहे.
