तु अब हमारे साथ बाता करने को क्यो नही आता, देख अब अंजाम बुरा होगा ! टाऊन हॉल उड्डान पुलावर अकरावीच्या विद्यार्थ्याला मारहाण !!
छत्रपती संभाजीनगर, दि. २४- तु अब हमारे साथ बाता करने को क्यो नही आता, देख अब अंजाम बुरा होगा अशी धमकी देवून अकरावीच्या विद्यार्थ्याला त्याच्या दोन मित्रांनी मारहाण केली. ही घटना छत्रपती संभाजीनगर शहरातील टाऊन हॉल उड्डान पुलावर रात्रीच्या सुमारास घडली.
फिर्यादी मुलाने (रा. भडकल गेट, छत्रपती संभाजीनगर) याने पोलिसांना दिलेल्या प्रथम माहिती अहवालानुसार, तो मौलाना आझाद कॉलेज येथे 11 वीमध्ये शिक्षण घेत आहे. तसेच त्याच्यासोबत दोन मुले सुद्धा मौलाना आझाद कॉलेज येथे शिक्षण घेत आहेत. दि. 23/01/2024 रोजी रात्री 9.30 वाजेच्या सुमारास फिर्यादी विद्यार्थी आरेफ कॉलनी येथून पायीपायी राहते घरी भडकल गेट येथे येत असताना टाउन हॉल उड्डान पुलावर त्याला त्याचे दोन मित्र भेटले.
त्यातील एक जण म्हणाला की “तु अब हमारे साथ बाता करने को क्यो नही आता” असे म्हणाल्यावरुन फिर्यादी विद्यार्थी त्यांना म्हणाला की, “मी आता फर्निचरचे काम करतो त्यामुळे मला आता वेळ मिळत नाही” असे म्हणताच मित्राने शिवीगाळ करत त्याच्या हातातील लाकडी दांड्याने हातापायावर व डोक्यावर मारून जखमी केले. डोके फुटून रक्त निघाले तेव्हा दुसर्या मित्राने शिवीगाळ करून हाताचापटाने मारहाण केली.
- गुगल ॲप
https://bit.ly/3RaPEOb - व्हॉट्सॲप ग्रुप
https://bit.ly/4dUMnMR - व्हॉट्सॲप चॅनेल
https://bit.ly/3V1gLwq - फेसबुक पेज
https://bit.ly/451xGU8 - टेलिग्राम
https://bit.ly/3wVCVbe
त्यानंतर देख अब अंजाम बुरा होगा असे म्हणून जिवे मारण्याची धमकी दिली. त्यानंतर फिर्यादी मुलाने आरडाओरड केल्याने ते दोघे तेथून पळुन गेले. त्यानंतर फिर्यादी जखमी विद्यार्थ्याला घाटी दवाखाना येथे दाखल केले. तेथील डॉक्टरांनी औषधोपचार करून डोक्यावर चार टाके दिल्याचे फिर्यादी विद्यार्थ्याने तक्रारीत नमूद केले आहे.
याप्रकरणी सिटीचौक पोलिस स्टेशनमध्ये गुन्हा दाखल करण्यात आला असून पुढील तपास पोलिस करत आहे.
