ढोलकी व पेटी वाजवून गाण्यांचा सराव करत असताना दरवाज्याला लाथ मारली ! पुन्हा जर वाजवणे सुरु केले तर दिली धमकी !!
छत्रपती संभाजीनगर, दि. २५ – ढोलकी व पेटी वाजवून गाण्यांचा सराव करत असताना दरवाज्याला लाथ मारली. पुन्हा जर वाजवणे सुरु केले तर जिवे मारण्याची धमकी दिल्याची तक्रार पोलिसांत दाखल करण्यात आली आहे. छत्रपती संभाजीनगर शहरातील कबीरनगर परिसरात ही घटना घडल्याचे फिर्यादीत नमूद करण्यात आले आहे.
यासंदर्भात विकास योसेफ निर्मल (रा. कबीरनगर, छत्रपती संभाजीनगर) यांनी पोलिसांत दिलेल्या प्रथम माहिती अहवालावरून, यातील फिर्यादी व त्याचे वडील असे ढोलकी व पेटी वाजवून गाण्यांचा सराव करत होते. तेव्हा यातील आरोपी रोहित (उर्फ फुगा) लाजरस निर्मल यांनी फिर्यादीच्या घराच्या दरवाजाला लाथ मारून शिवीगाळ केली. म्हणुन फिर्यादी व त्याचे वडील घराच्या बाहेर आले व म्हणाले आम्ही गाण्यांचा सराव करत आहोत. तुला काय त्रास होत आहे.
अशा बोलण्याच्या कारणावरून यातील आरोपी रोहित (उर्फ फुगा) लाजरस निर्मल यांनी घराच्या बाहेर गल्लीत पडलेला दगड उचलून फिर्यादीच्या उजव्या बाजुला गालावर व उजव्या खांद्यावर जोरात मारून जखमी केले. त्यावेळी यातील आरोपी लाजरस निर्मल हे मोठमोठ्याने आवाज करून फिर्यादीजवळ आले आणि फिर्यादी व फिर्यादीच्या वडीलांना संगनमत करून लाथाबुक्याने मारहाण केली. व परत वाजवणे चालु केले तर जिवे मारण्याची धमकी दिल्याची तक्रार फिर्यादीने पोलिसांत दिली.
- गुगल ॲप
https://bit.ly/3RaPEOb - व्हॉट्सॲप ग्रुप
https://bit.ly/4dUMnMR - व्हॉट्सॲप चॅनेल
https://bit.ly/3V1gLwq - फेसबुक पेज
https://bit.ly/451xGU8 - टेलिग्राम
https://bit.ly/3wVCVbe
याप्रकरणी विकास योसेफ निर्मल (रा. कबीरनगर, छत्रपती संभाजीनगर) यांनी दिलेल्या फिर्यादीवरून रोहित (उर्फ फुगा) लाजरस निर्मल, लाजरस निर्मल (रा. कबीरनगर, छत्रपती संभाजीनगर) यांच्यावर उस्मानपुरा पोलिस स्टेशनमध्ये 75/2024 कलम 324,323, 504, 506,34 नुसार गुन्हा दाखल करण्यात आला असून पुढील तपास सफौ नरवडे करीत आहेत.
