पाचोडच्या निसर्ग हॉटेलमधील कुकचा अपघाती मृत्यू ! धुळे सोलापूर मार्गावरील आपतगाव शिवारात हायवाने राँगसाईड दुचाकीस ठोकले !!
छत्रपती संभाजीनगर, दि. १५ -: पाचोड येथील निसर्ग हॉटेलमध्ये कुक म्हणून काम करत असलेल्या पैठण तालुक्यातील युवकाच्या दुचाकीला हायवाने धडक दिल्याने त्याचा मृत्यू झाला. धुळे सोलापुर रोडवरील आपतगाव शिवारातील पाटील मोटार्स च्या समोर हा अपघात झाला. पवन छगन आहेर (रा थेरगाव ता पैठण जि छत्रपती संभाजीनगर) असे अपघातात मृत्यू झालेल्या युवकाचे नाव आहे.
मृत मुलाचे वडील छगन बबन आहेर (वय 47 वर्षे व्यवसाय मजुरी रा थेरगाव ता पैठण जि छत्रपती संभाजीनगर) यांनी पोलिसांना दिलेल्या प्रथम माहिती अहवालानुसार, मजुरी काम करून ते उदरनिर्वाह करतात. आहेर यांचा मुलगा पवन छगन आहेर हा कुक म्हणुन निसर्ग हॉटेल पाचोड येथे काम करत होता.
दि 13/04/2024 रोजी 11.40 वाजेच्या सुमारास छगन आहेर हे त्यांच्या घरी असताना मुलगा पवनच्या मित्राचा फोन आला व सांगितले की, पवन हा छत्रपती संभाजीनगरकडून थेरगाव (ता पैठण) कडे येत असताना धुळे सोलापूर रोडवरील आपतगाव शिवारातील पाटील मोटार्सच्या समोर अकरा वाजेच्या सुमारास हायवा (क्र MH20 CT2151) च्या चालकाने राँग साईडने येवून पवन चालवत असलेल्या मोटारसायकलला धडक दिली.
- गुगल ॲप
https://bit.ly/3RaPEOb - व्हॉट्सॲप ग्रुप
https://bit.ly/4dUMnMR - व्हॉट्सॲप चॅनेल
https://bit.ly/3V1gLwq - फेसबुक पेज
https://bit.ly/451xGU8 - टेलिग्राम
https://bit.ly/3wVCVbe
या धडकेत पवनच्या चेहऱ्याला व छातीला मार लागला व त्यास अॅम्बुलन्सने घाटी दवाखान्यात दाखल केले आहे. अशी माहिती मिळताच छगन आहेर हे तातडीने घाटी दवाखान्यात पोहोचले. तेथे पवन जखमी अवस्थेत होता. डॉक्टरांनी त्यास तपासून मृत घोषित केले. त्यानंतर घाटीतील डॉक्टरानी पवनच्या मृतदेहाचे पोस्टमार्टम करून मृतदेह आमच्या ताब्यात दिला. त्यानंतर मूळ गावी रीतीरीवाजाप्रमाणे अंत्यविधी केला.
मृत मुलाचे वडील छगन बबन आहेर यांनी दिलेल्या फिर्यादीवरून MH20 CT2151 या क्रमांकाच्या हायवा चालकावर चिकलठाणा पोलिस स्टेशनमध्ये गुन्हा दाखल करण्यात आला असून पुढील तपास पोलिस करत आहे.
