पोलिस बंदोबस्तात अनधिकृत नळ कनेक्शन तोडले ! छत्रपती संभाजीनगर मनपाची टाऊन हॉल परिसरात कारवाई !!
छत्रपती संभाजीनगर, दि.१८ – छत्रपती संभाजीनगर महानगरपालिकेच्या वतीने अनधिकृत नळ कनेक्शन शोध मोहीम सुरु असून आज मोहल्ला आनंद नगर, व्ही.आय.पी. रोड, आमखास मैदानाच्या जवळ १५० मिमी जलवाहिनीवरील एकूण २७ अनधिकृत नळ कनेक्शन तोडण्यात आले.
प्रशासक तथा आयुक्त मनपा जी. श्रीकांत यांच्या मार्गदर्शनाखाली विशेष अनधिकृत नळ जोडणी शोध पथक प्रमुख तथा मुख्य लेखा व वित्त अधिकारी संतोष वाहुळे मुख्य लेखा व वित्त अधिकारी यांच्या अधिपत्त्याखाली सातत्याने अनाधिकृत नळ जोडण्या शोध मोहीम राबविण्यात येत आहे. आज मोहल्ला आनंद नगर, व्ही.आय.पी. रोड, आमखास मैदानाच्या जवळ महानगरपालिकेची १५० मिमी जलवाहिनी वरील एकूण २७ अनधिकृत नळ खंडित करण्यात आले.
सदरील ठिकाणी अनधिकृत नळ जोडणीमुळे पाणी पुरवठा सुरळीत होत नसल्यामुळे ही कारवाही तातडीने पोलिस बंदोबस्त घेऊन पार पाडण्यात आली. काल बारुदगर नाला येथील ३९ अनाधिकृत नळ तोडण्यात आले होते.
सदरील अनधिकृत नळ खंडित करण्याचे काम चालू असताना काही अनुचित प्रकार घडू नये म्हणून पोलिस प्रशासनातर्फे पोलीस कर्मचारी होते.
- गुगल ॲप
https://bit.ly/3RaPEOb - व्हॉट्सॲप ग्रुप
https://bit.ly/4dUMnMR - व्हॉट्सॲप चॅनेल
https://bit.ly/3V1gLwq - फेसबुक पेज
https://bit.ly/451xGU8 - टेलिग्राम
https://bit.ly/3wVCVbe
सदरील कार्यवाही ही उप अभियंता मिलिंद भामरे, पथक अभियंता रोहीत इंगळे, कनिष्ठ अभियंता सचिन वेलदोडे, हेमंत हिवराळे आणि पथक कर्मचारी वैभव भटकर, स्वप्निल पाईकडे, तमिज पठाण, मो. शरीफ, सागर डिघोळे, तुषार पोटपिल्लेवार आदींनी पूर्ण केली.
